बीड : साडेतीन जिल्ह्याचे नेते शरद पवार हे लोकसभा निवडणुकीत बारामतीमध्ये अडकून पडले आहेत. अशी टीका भाजप आमदार गोपीचंद पडळकर यांनी पंढरपुरातून केली. अजित पवारांमुळे बारामतीच्या लोकांना आता पहिल्यांदा त्यांच्या मताला किंमत आली आहे. गेल्या तीन पिढ्या अशाच गेल्या, कुणाला मत दिलं कुणाला नाय त्याला किंमतच नव्हती. आता तेथील प्रत्येक मतदाराला किंमत आली आहे. दहा जागा लढवणार्या पवारांना उगीच हवेत चढवू नका. पक्ष स्थापन केला तेव्हा त्यांनी 36 जागा लढवल्या. त्यानंतर 26 जागा लढवल्या होत्या. त्यापुढे 22 जागा लढवल्या मागच्या निवडणुकीत 16 जागा आता तर केवळ लोकसभेच्या दहा जागा लढवल्या आहेत. दुसरीकडे भाजप दोन वरुन तीनशे तीन वर आली आहे. भाजपचा चढता तर विरोधकांचा उतरता क्रमांक असल्याचे ही पडळकर म्हणाले.