Surabhi Jayashree Jagdish
लवंगाचे पाणी प्यायल्याने अन्न पचण्यास मदत होऊ शकतं. लवंगामुळे पचनासाठी लागणाऱ्या एन्झाइम्सचे काम चांगले होण्यास मदत होते. त्यामुळे पोट फुगणं आणि पोटातील अस्वस्थता कमी होण्यास मदत मिळू शकते.
लवंगामध्ये अँटीऑक्सिडंट असतात. हे घटक शरीराला निरोगी ठेवण्यास मदत करतात. त्यामुळे बदलत्या हवामानात होणाऱ्या काही सामान्य आजारांपासून शरीराला लढण्यास मदत मिळू शकते.
लवंगाचं पाणी वजन कमी करण्याच्या प्रयत्नात मदत करू शकते. लवंग शरीरातील चयापचय म्हणजेच मेटाबॉलिझमच्या कामाला मदत करते. यामुळे भूक वारंवार लागणं आणि गोड पदार्थ खाण्याची इच्छा कमी होण्यास मदत होऊ शकते.
लवंगाचं पाणी प्यायल्याने खोकला आणि कफामध्ये आराम मिळण्यास मदत होऊ शकते. लवंग कफ सैल करण्यास मदत करतं. त्यामुळे कफ बाहेर पडणे सोपे होते. त्यामुळे घशाला होणारा त्रास आणि खोकल्यातही काही प्रमाणात आराम मिळू शकतो.
लवंगाचे पाणी बनवण्यासाठी काही लवंगा घ्या आणि त्या पाण्यात भिजत ठेवा. लवंग पाण्यात बराच वेळ राहिल्यामुळे त्यातील युजेनॉलसारखे घटक पाण्यात मिसळतात. हे पाणी गाळून प्यायले जाऊ शकते.
लवंगाचं पाणी तुम्ही दिवसातील कोणत्याही वेळी घेऊ शकता. मात्र काही जण हे पाणी रात्री झोपण्यापूर्वी पिणं पसंत करतात. रात्रीच्या वेळी घेतल्यामुळे पचनाला मदत मिळू शकते आणि ही सवय रोजच्या दिनचर्येत सहज ठेवता येते.
लवंगाचं पाणी घेतल्यानंतर काही लोकांना अॅलर्जी होऊ शकते. अशा वेळी अंगाला खाज येणं, पुरळ येणं किंवा श्वास घेण्यास त्रास होणं अशी लक्षणं दिसू शकतात. अशी लक्षणं दिसल्यास लवंगाचे पाणी घेणे थांबवून डॉक्टरांचा सल्ला घ्यावा.
ही माहिती विविध सार्वजनिक स्रोतांवर आधारित असून केवळ सामान्य माहितीसाठी देण्यात आली आहे. या माहितीची स्वतंत्र वैद्यकीय पडताळणी आम्ही केलेली नाही. कोणतीही लक्षणे आढळल्यास स्वतः निष्कर्ष काढण्याऐवजी तज्ज्ञ डॉक्टरांचा सल्ला घ्या.