घाटकोपरमधील पारशीवाडीत एका इसमाने चाकूने हल्ला केल्याची घटना घडली आहे. मोहम्मद अली शेख (वय २९) या आरोपीने अखिलेश राजभर आणि रवी दीक्षित या तीन जणांवर चाकूने हल्ला केला. या घटनेमागे भांडण असल्याचे सांगण्यात येते. संबंधित व्यक्ती पोलीस ठाण्यात तक्रार करण्यासाठी जात असताना आरोपी अलीने त्यांना अडवले व धमक्या दिल्या. मात्र, पोलिसांना तक्रार करायला जात असताना आरोपीने त्यांच्यावर चाकूने हल्ला केला.

घटनास्थळी पोलिसांनी तातडीने पोहोचून आरोपीला ताब्यात घेतले. घटनेचा गुन्हा घाटकोपर पोलिस ठाण्यात दाखल करण्यात आला असून आरोपीच्या पोलिसांनी मुसक्या आवळल्या आहेत. सध्या आरोपीला पोलिस कोठडी दिली असून या घटनेचा अधिकचा तपास सुरु आहे.