पुणे येथील घडलेल्या अपघातानंतर गौतमी पाटीलने समाजातील वाढलेल्या ट्रोलिंगवर आपली प्रतिक्रिया दिली. मी अपघाताच्या ठिकाणी उपस्थित नव्हती आणि कार जरी माझ्या नावावर असली तरी मी त्यावेळी गाडीत नव्हते.

गौतमी पाटील म्हणाली की, मी पोलिसांना देखील सांगितले आहे की मी कारमध्ये नव्हते. सीसीटीव्ही तपासणीत हे स्पष्ट झाले आहे. तरीही मला दोषी ठरवले जात आहे. मी याकडे लक्ष देणार नाही. लोक माझ्यावर जे काही आरोप करतात, त्याची मला पर्वा नाही. मी ज्या गोष्टीत नाही, त्यात मला दोष देणे चुकीचे आहे, असे तिने स्पष्ट केले.

चंद्रकांत पाटील यांच्या वक्तव्यावर ती म्हणाली, ते वैयक्तिक मते व्यक्त करत आहेत. मी फक्त हे सांगू इच्छिते की अपघाताच्या वेळी मी उपस्थित नव्हते. पीडित कुटुंबाला माझ्या भावांनी मदत केली होती, पण गुन्हा दाखल झाल्यामुळे त्यांनी ती मदत नाकारली.असे गौतमी पाटील म्हणाली.