लालबागचा राजा विसर्जनासाठी गिरगावच्या दिशेने मार्गस्थ झाला आहे. लालबागच्या राजाच्या विसर्जन मिरवणुकीला सुरूवात झाली आहे. आरती झाल्यानंतर लालबागच्या राजाची मूर्ती विसर्जन मिरवणुकीसाठी मंडपातून बाहेर काढण्यात आली. यावेळी गुलालासोबत फुलांची उधळ करण्यात आली. 'गणपती बाप्पा मोरया, पुढच्या वर्षी लवकर या' असा जयजयकार केला जात आहे. बाप्पाला निरोप देण्यासाठी मोठ्या संख्येने गणेशभक्तांनी गर्दी केली आहे. ढोल-ताशा वाजवत फुलांची आणि गुलालाची उधळण केली जात आहे. गणेशभक्त या मिरवणुकीमध्ये नाचताना दिसत आहेत. लालबागच्या राजाची मिरवणूक पाहण्यासाठी रस्त्यावर सगळीकडे मोठी गर्दी पाहायला मिळत आहे.