रणजीत माजगांवकर, साम टीव्ही | कोल्हापूर

कोल्हापूर महानगरपालिका आयोजित महापौर चषक फुटबॉल स्पर्धेत शुक्रवारी संयुक्त जुना बुधवार तालीम आणि उत्तरेश्वर प्रासादिक वाघाची तालीम मंडळ यांच्यात सामना झाला. सामना जिंकल्यानंतर उत्तरेश्वर प्रासादिकच्या खेळाडूंनी मैदानावर 'बाप तो बाप रहेगा, वाघाची तालीम' अशा आशयाचे कापडी बॅनर झळकावले. त्यामुळे सामना संपल्यानंतर उत्तरेश्वर आणि जुना बुधवार तालीम संघाच्या समर्थकांत प्रेक्षक गॅलरीत हाणामारी झाली. या घटनेमुळं फुटबॉल स्पर्धेला गालबोट लागलं. समर्थकांनी अश्लील हावभाव केले. त्यामुळे प्रेक्षक गॅलरीत एकच गोंधळ उडाला. दोन्ही संघातील समर्थकांत हुल्लडबाजी तसेच हाणामारी झाली.