मुंबईतून डोमेसाईल सर्टिफिकेट घोटाळा समोर आला आहे. कोणत्याही कागदपत्रांशिवाय फक्त २० हजार रुपयांमध्ये डोमेसाईल सर्टिफिकेट दिले जात आहे. एका स्टिंग ऑपरेशनमधून ही धक्कादायक बाब उघड झाली आहे. या स्टिंग ऑपरेशनमुळे डोमेसाईल सर्टिफिकेट घोटाळ्याचा पर्दाफाश झाला आहे.

मुंबईतल्या कुर्ला तहसील कार्यालयाबाहेर डोमेसाईट सर्टिफिकेट तयार करून देणाऱ्या एजंटचा सुळसुळाट असल्याचे पाहायला मिळत आहे. फेरिवाल्यांना वास्तव्याचा दाखला म्हणजे डोमेसाईल सर्टिफिकेट अनिर्वाय करण्यात आले आहे. अशामध्ये फेरिवाल्यांना एंजटद्वारे फक्त १० ते २० हजार रुपयांमध्ये हे डोमेसाईल सर्टिफिकेट मिळत आहे.

मुलुंडमधील तहसीलदार ऑफिस बाहेर देखील डोमेसाईल सर्टिफिकेट तयार करणाऱ्या एजंटचा पर्दाफाश करण्यात आला आहे. एजंटचा व्हिडिओ समोर आला असून यामध्ये तो १० ते २० हजार रुपयांमध्ये वास्तव्याचा दाखला देत असल्याचे दिसून आले. फेरिवाल्यांना डोमेसाईल सर्टिफिकेट मिळवण्यासाठी तब्बल दोन महिने लागतात. मात्र एजंटमार्फत सात दिवसांत हा दाखला देण्यात येत आहे. डोमेसाईल सर्टिफिकेट तुम्हाला काढायचा असेल तर साधारण १५ वर्षांचा स्थानिक पुरावा लागतो. मात्र एजंटद्वारे कोणताही पुरावा न घेता हे डोमेसाईल सर्टिफिकेट दिले जात आहे.