मुंबईकरांसाठी एक महत्त्वाची बातमी समोर आली आहे. आता मुंबईतील सर्व नव्या इमारतींमध्ये इलेक्ट्रिक वाहन (EV) चार्जिंग स्टेशन असणे बंधनकारक करण्यात येणार आहे. जर इमारतीत EV चार्जिंग स्टेशन नसेल, तर संबंधित इमारतीला 'नाहरकत प्रमाणपत्र' (NOC) मिळणार नाही, अशी माहिती मंत्री प्रताप सरनाईक यांनी दिली.

नगरविकास विभाग विकास नियंत्रण नियमावलीत (DCR) यासंदर्भात आवश्यक दुरुस्ती करण्याच्या प्रक्रियेत आहे. यानुसार, बांधकाम व्यावसायिकांना इमारतीचे नियोजन EV चार्जिंग स्टेशनच्या सोयीसहच करावे लागणार आहे. अन्यथा अशा इमारतींना अधिकृत मान्यता नाकारण्यात येईल.

सध्या अस्तित्वात असलेल्या गृहनिर्माण सोसायट्यांसाठी देखील नवा नियम लागू करण्यात येणार आहे. अशा सोसायट्यांमध्ये EV चार्जिंग स्टेशन उभारण्यासाठी एकूण सभासदांपैकी किमान 50 टक्के सभासदांची मान्यता आवश्यक राहणार आहे.