आगामी निवडणुकांच्या पार्श्वभूमीवर निवडणूक आयोगानं मतदार याद्या अद्ययावत करण्यासाठी एक मोठं पाऊल उचललं आहे. 'मतदार याद्यांमधील दुबार नावं शोधा आणि त्यांचे दुबार मतदार रोखा' असे स्पष्ट आदेश निवडणूक आयोगानं स्थानिक निवडणूक संस्थांना दिले आहेत. याअंतर्गत, प्रत्येक बूथवर विशेष मोहीम राबवून घरोघरी जाऊन सर्वेक्षण केले जाणार आहे. मतदारांची नावे एकाच यादीत असल्याची खात्री करणे आणि दुबार नावे वगळणे हा या मोहिमेचा मुख्य उद्देश आहे. आगामी निवडणुकांमध्ये कोणताही मतदार एकापेक्षा जास्त वेळा मतदान करू शकणार नाही, याची खबरदारी घेण्यासाठी ही देशव्यापी मोहीम महत्त्वाची ठरणार आहे.

मतदार यद्यांमधील दुबार नावे हटवून मगच निवडणुका घ्या,अशी मागणी विरोधी पक्षांनी लावून धरली असतानाच आता राज्य निवडणूक आयोगाने स्थानिक स्वराज्य संस्थांना ही दुबार नावे शोधा आणि दुबार मतदान होणार नाही याची खात्री करा,असे आदेश निवडणूक आयोगाकडून देण्यात आले आहे. नगरपालिकांच्या निवडणुका 6 किंवा 7 नोव्हेंबरला जाहीर होण्याची शक्यता आहे. या पार्श्वभूमीवर निवडणूक आयोगाने हे आदेश दिले आहे.