वक्फ बोर्ड विधेयकावरून राजकीय वातावरण चांगलेच तापले आहे. उद्धव ठाकरे यांनी घेतलेल्या पत्रकार परिषदेनंतर उपमुख्यमंत्री एकनाथ शिंदे यांनी त्यांच्यावर जोरदार टीका केली.

उद्धव ठाकरे म्हणतात वक्फ बोर्डाला आमचा विरोध नाही पण भाजपच्या ढोंगीपणाला विरोध आहे. मात्र त्यांच्या या वक्तव्यावरून त्यांच्या नेतृत्वाची गोंधळलेली अवस्था दिसून येते,असा घणाघात शिंदे यांनी केला.

ते पुढे म्हणाले, वक्फ बोर्डाच्या विधेयकावरून काल उबाठाचा खरा चेहरा समोर आला आहे अतिशय गोंधळलेल्या अवस्थेच नेतृत्व हे उबाठाच दिसलं त्यांच्या अनेक खासदारांच्या मनात अजूनही बाळासाहेब ठाकरे यांचे विचार आहेत. मात्र त्यांनी घेतलेल्या भूमिकेमुळे त्यांना मान खाली घालावी लागली ही खंत खासदारांनीही बोलून दाखवली आहे.

दरम्यान, वक्फ बोर्डाच्या जमिनींवर आता शाळा, हॉस्पिटल आणि महाविद्यालये उभारली जातील, असे आश्वासनही शिंदे यांनी दिले.