उपमुख्यमंत्री एकनाथ शिंदे यांनी महाविकास आघाडीवर गंभीर आरोप केले आहे. एकनाथ शिंदे आणि देवेंद्र फडणवीसांना जेलमध्ये टाकू आणि बर्फाच्या लादीवर झोपवून मारू एवढी हवा त्यांच्या डोक्यात गेली होती असा सणसणीत आरोप एकनाथ शिंदेंनी केला आहे. एकनाथ शिंदे म्हणाले, या महाराष्ट्रातील जनतेने विधानसभा निवडणुकीत दैदीप्यमान विजय मिळवून दिला. लोकसभेच्या निवडणुकीत फेक नॅरेटीव्ह पसरवला. संविधान खतरे मे है, आरक्षण जाणार अशी अफवा पसरवली. त्यांना वाटले विधानसभेत पण असच करू मुख्यमंत्री, उपमुख्यमंत्री आणि मंत्रिमंडळाच वाटप केलं आणि म्हणाले याला जेलमध्ये टाकू त्याला टाकू एकनाथ शिंदे आणि देवेंद्र फडणवीसला जेलमध्ये टाकून बर्फाच्या लादीवर झोपवून मारू एवढी हवा त्यांच्या डोक्यात गेली होती. असा गौप्यस्फोट एकनाथ शिंदे यांनी केला.