महायुतीमधील अंतर्गत कलह आज राज्यासमोर आला. त्याचं कारण होतं ते म्हणजे शिंदे गटाच्या मंत्र्यांनी थेट आजच्या कॅबिनेट बैठकीवर बहिष्कार टाकत उघडपणे नाराजी व्यक्त केली. या बैठकीला फक्त एकनाथ शिंदे हे उपस्थित होते. अखेर शिंदेंनी यावर भाष्य केले. विधानसभा आणि लोकसभा निवडणूक आपण महायुती म्हणून लढलो. तसेच स्थानिक स्वराज्य संस्थांच्या निवडणुका देखील आपण एकत्र लढवत आहो. या महायुतीला कुठेही गालबोट लागू नये. पक्षाची आचारसंहिता आपण पाळली पाहिजे. मतभेद होता कामा नये याची काळजी घेतली पाहिजे. असे सांगून एकनाथ शिंदेनी पक्षप्रवेशावरील नाराजीच्या चर्चेला पूर्णविराम देण्याचा प्रयत्न केला.