डोंबिवली एमआयडीसीत स्फोट झाला. या स्फोटात आतापर्यंत 8 जणांचा मृत्यू झाला आहे. तर 64 जण जखमी झाले आहेत. अग्निशमन दलाने सकाळपासून पुन्हा बचावकार्य सुरू केले आहे. दुर्घटनच्या ठिकाणी आणखी काही लोक अडकल्याची भिती व्यक्त केली जात आहे. गुरुवारी हा स्फोट झाला, हा स्फोट इतका भीषण होता की आजूबाजूच्या इमारतींच्या काचा फुटल्या. डोंबिवलीत अनेक ठिकाणी काचांचा खच पहायला मिळाला. हा स्फोट झाल्यानंतर मुख्यमंत्री एकनाथ शिंदे, उद्योग मंत्री उदय सामंत यांनी घटनास्थळी भेट देऊन चौकशी केली.