पुणे: रांजणगाव पोलीस ठाण्यातील पोलीस कॉन्स्टेबल हेमंत इनामे याने दारुच्या नशेत कारची धडक दिल्याने अनेकजण गंभीर जखमी झाले आहेत. या जखमींमध्ये 22 वर्षांच्या अभिषेक पवार या तरुणाचा समावेश आहे. अभिषेकच्या डावा पाय दोन ठिकाणी फ्रॅक्चर झाला असुन त्याच्या छाती आणि पोटाला ही गंभीर जखमा झाल्यात. पुण्यातील एका हॉस्पीटलमध्ये अतिदक्षता विभागात त्याच्यावर उपचार सुरु आहेत.

मात्र, अपघाताचं हे प्रकरण दडपण्याचा प्रयत्न झाल्याचा अभिषेकच्या आईचा आणि नातेवाईकांचा आरोप आहे. अपघातानंतर पोलीस कॉन्स्टेबल हेमंत इनामेचा फोन अपघातस्थळी सापडला होता. मात्र त्याच्या बायकोने उपचारांचा खर्च देण्याचे आश्वासन देऊन तो फोन ताब्यात घेतला. मात्र त्यानंतर उपचारांचा खर्च देण्यास नकार दिला. अभिषेकच्या उपचारांसाठी मोठा खर्च येणार असुन तो ठेवणं शक्य नसल्याचं त्याच्या आईने म्हटलय. तर दुसरीकडे हा जामीनपात्र गुन्हा असल्याने यामध्ये पोलीस कॉन्स्टेबल हेमंत इनामेला अटक करण्याची गरज नाही असं पुणे ग्रामीण पोलीसांनी म्हटलय.