राज्याच्या पर्यावरण मंत्री पंकजा मुंडे यांचे पीए अनंत गर्जे यांच्या बायकोने मुंबईत राहत्या घरी गळफास घेऊन आत्महत्या केल्याने राज्यभरात खळबळ उडाली. याप्रकरणी अनंत गर्जे यांच्याविरोधात गुन्हा दाखल झाला असून त्याला अटकही करण्यात आले. पोलिस सध्या या प्रकरणाचा तपास करत आहेत. दरम्यान आज डॉक्टर गौरी यांचे पार्थिव नगर जिल्ह्यातील पाथर्डी तालुक्यातील देवडे गावात अंत्यसंस्कारासाठी आणण्यात आले. यावेळी पार्थिवासमोर गौरीच्या वडिलांनी हंबरडा फोडत 'जर तुम्हाला मुलगी असेल तर मला न्याय द्या. तुमची मुलगी गरीबाला द्या. श्रीमंताच्या नादी लागू नका.', अशी भावना त्यांनी व्यक्त केली. यावेळी डॉक्टर गौरी यांचे नातेवाईक आक्रमक झाल्याचे बघायला मिळाले.