धुळ्यात गेल्या २ दिवसांपासून पावसाने कहर केला आहे. या पावसामुळे तासाभरात होत्याचं नव्हतं झालं. शेतीचे मोठ्या प्रमाणात नुकसान झाले. हाता तोंडाशी आलेला घास निसर्गाने हिरावून घेतला. त्यामुळे शेतकऱ्याला अश्रू अनावर झाले. जोरदार झालेल्या पावसाने डोळ्यादेखत ५ एकर मधील संपूर्ण शेवगा पिक उध्वस्त झाल्यामुळे शेतकऱ्याने हंबरडा फोडला. आता या संकटातून पुन्हा कसं उभं राहणार असा प्रश्न सरकारला पडला आहे.

सावकारी कर्ज आणि बँकेच कर्ज फेडण्याची ताकद उरली नसून आत्महत्या करण्याशिवाय पर्याय नसल्याची प्रतिक्राय शेतकऱ्याने दिली आहे. मायबाप सरकार लक्ष देत नसल्यामुळे आत्महत्या करणेच सोपा उपाय असल्याची भावना शेतकऱ्याने व्यक्त केली. धुळे तालुक्यातील वडेल शिवारात रामदास मोरे या शेतकऱ्याचं उभं पिक पावसामुळे डोळ्या समोर आडवं झालं.