भरत मोहळकर, साम प्रतिनिधी

महायुतीचं सरकार स्थापन झाल्यानंतरच्या पहिल्याच विशेष अधिवेशनात उपमुख्यमंत्री एकनाथ शिंदेंनी सभागृहात तुफान फटकेबाजी केली. यावेळी विरोधकांनी उपस्थित केलेल्या ईव्हीएमवरील टीकेला उत्तर देतांना बाळासाहेब थोरात, पृथ्वीराज चव्हाण यांच्या पराभवावर भाष्य करत नाना पटोलेंनाही खोचक टोला लगावलाय...त्यावरुन सभागृहात एकच हशा पिकला. तर नाना पटोलेंनी मताधिक्याची टिंगल केल्याबद्दल नाराजी व्यक्त केलीय.

एकनाथ शिंदे एवढ्यावरच थांबले नाहीत तर विधानसभा अध्यक्षांच्या अभिनंदन प्रस्तावावर बोलताना शिंदेंनी शेरो-शायरी करती विरोधकांना टोला लगावला. महायुतीला मिळालेल्या अभूतपुर्व यशानंतर विरोधी पक्ष कुमकुवत बनलाय. मात्र सत्ताधाऱ्यांनी विरोधी पक्षांच्या संख्याबळाची खिल्ली उडवण्याऐवजी त्यांच्या आवाजाला महत्व देणं आवश्यक आहे.