विधानसभा निवडणुकांच्या पार्श्वभूमिवर कॉंग्रेस एक्शन मोडवर आल्याचं पहायला मिळतंय. कॉंग्रेसने महाराष्ट्रातील 288 मतदारसंघांची चाचपणी सुरु केली आहे. 288 मतदारसंघातील इच्छूकांचे उमेदवारी अर्ज कॉंग्रेसने मागवले आहेत. त्याचबरोबर बंडखोरी टाळण्यालाठी कॉग्रेसने उमेदवारांकडून हमीपत्र घेतल्याचही कळतंय. यावरुन कॉंग्रेस आगामी विधानसभा निवडणूका स्वबळावर लढण्याच्या तयारीत आहे का? अशा चर्चांना उधाण आलं आहे. यावर कॉंग्रेस प्रदेशाध्यक्ष नाना पटोले यांनी प्रतिक्रिया दिली आहे. पक्षसंघटनेचं प्रत्येक ठिकाणी संघटनात्मक काम असलं पाहीजे म्हणून हा निर्णय घेतला असल्याचं त्यांनी सांगितलं.