सुनील काळे, साम टीव्ही प्रतिनिधी

मुंबई : अमोल काळे यांच्या निधनानंतर लवकरच अध्यक्षपदाची निवडणूक होण्याची शक्यता आहे. याचदरम्यान, नाना पटोले माझगाव क्रिकेट क्लबचे सदस्य झाले आहेत. यामुळे मुंबई क्रिकेट असोशिएशनच्या अध्यक्षपदाच्या निवडणुकीत नाना पटोले उतरणार का, अशी चर्चा सुरु झाली आहे.

शरद पवार,आशिष शेलार, मिलिंद नार्वेकर यांच्यानंतर नाना पटोले यांची मुंबई क्रिकेट असोशिएशन निवडणुकीत एन्ट्री होणार का, अशीही चर्चा सुरु झाली आहे. दरम्यान, विश्वचषक स्पर्धेदरम्यान अमोल काळे यांचं निधन झालं. त्यामुळे मुंबई क्रिकेट असोशिएशनचं अध्यक्षपद रिक्त झालं आहे. त्यामुळे नाना पटोले या निवडणुकीत उतरतात का, हे पाहावे लागेल.