नागपुरात आज प्रियंका गांधी मध्य नागपुरातील महालात रोड शो ठेवण्यात आलेला होता. या रोड शो दरम्यान भाजप आणि कॉंग्रेसचे कार्यकर्ते आमने सामने आल्याने दोन्ही गटात मोठा राडा झाला आहे.

काँग्रेसचे उमेदवार बंटी शेळके यांच्या प्रचारार्थ आज प्रियंका गांधी आज रोड शो ठेवण्यात आला होता. मध्य नागपुरातील महालात संघ मुख्यालय आहे. संघ मुख्यालय आणि बडकस चौक याचं एक वेगळ महत्त्व असल्याने काँग्रेसने कुठेतरी या भागात रॅली ठेवत भाजपला डिवचले होते. त्यामुळे भाजपचे पदाधिकारी यावरून नाराज होते. प्रियंका गांधी यांचा रोड शो सुरु झाल्यानंतर काही ठिकाणी भाजपचे उमेदवार प्रवीण दटके यांच्या बॅनर सोबत छेडछाड करण्यात आली, असा आरोप भाजपच्या पदाधिकाऱ्यांनी करत या ठिकाणी झेंडे घेऊन जय श्रीरामचे नारे द्यायला सुरुवात केली. यावेळी कॉंग्रेस पदाधिकाऱ्यांनी देखील राहुल गांधी यांचे झेंडे घेऊन घोषणाबाजी करायला सुरुवात केली. खरं तर सकाळपासूनच भाजप आणि काँग्रेसच्या कार्यकर्त्यामध्ये एक प्रकारचा तणाव या निमित्ताने पाहायला मिळत होता. त्यातच दोन्ही गट आमने सामने आल्याने याठिकाणी राडा झालेला दिसला. दरम्यान, पोलिसांनी दोन्ही बाजूच्या पदाधिकाऱ्यांना समजावून सांगत शांत केले. पोलिसांचा मोठा बंदोबस्त असल्याने कुठलाही अनुचित प्रकार झाला नसला तरी शाब्दिक वाद मात्र या ठिकाणी पाहायला मिळाला.

Edited By Rakhi Rajput