छत्रपती संभाजी महाराजांच्या जीवनावर आधारित छावा चित्रपट सध्या बॉक्स ऑफिसवर धुमाकूळ घालत आहे. या चित्रपटानं जवळपास १६५ कोटींचा गल्ला जमवला आहे. हा चित्रपट प्रेक्षकांच्या पसंतीस उतरत आहे. छावा चित्रपटाच्या माध्यमातून छत्रपती संभाजीराजेंची शौर्यगाथा अख्ख्या जगभरात पोहोचली आहे. या चित्रपटात अभिनेता विकी कौशलने संभाजी महाराजांची भूमिका साकारली आहे. सध्या फक्त न फक्त छावा चित्रपटाचाच बोलबाला आहे. हा चित्रपट टॅक्स फ्री करण्यात यावा अशी मागणी होत आहे. सगळीकडे हाऊसफुल्लचे बोर्ड लागले आहेत. अशात आता छावा चित्रपटासंबंधी मोठी घोषणा करण्यात आली आहे. देशभरात छप्परफाड कमाई करणारा छावा चित्रपट आता मराठी भाषेत प्रदर्शित होण्याची शक्यता आहे. संभाजी महाराजांची शौर्यगाथा पडद्यावर दाखवणारा छावा चित्रपट आता मराठीत डब होणार आहे. याबाबत उदय सामंत यांनी प्रतिक्रिया दिली आहे.