चार तारखेनंतर सगळ्यांची लफडी बाहेर काढणार, असं चंद्रकांत खैरे यांनी म्हटलंय. हे गद्दार आहेत, मदमाश आहेत, शिवसेना फोडली त्याचा फार राग आहे, असं म्हणत खैरेंनी आपल्या संतापाला वाट मोकळी करुन दिली. छत्रपती संभाजीनगरमध्ये साम टीव्हीशी बोलताना खैरेंनी मोठं वक्तव्य केलं. प्रचारासाठी छत्रपती संभाजीनगरमध्ये रॅली काढण्यात आली. त्यावेळी बोलताना खैरैंनी एकनाथ शिंदे आणि अन्य नेत्यांवरही सडकून टीका केली. दरम्यान, यावेळी महाविकास आघाडीचे कार्यकर्ते आणि महायुतीचे कार्यकर्तेही आमनेसामने आल्याचं पाहायला मिळालं. मोठी बाचाबाची यावेळी झाली. त्यामुळे वातावरणही तापलं होतं.