छत्रपती सांभाजीनगर जिल्ह्यात करमाड गावात एका व्यक्तीने WhatsApp स्टेटस ठेवल्याने मोठा धार्मिक वाद निर्माण झाला होता. एका व्यक्तीने आक्षेपार्ह स्टेटस ठेवल्याने गावातील नागरिक मोठ्या संख्येने करमाड पोलीस स्टेशनमध्ये जमा झाले होते. स्टेटस ठेवणाऱ्या व्यक्तीवर गुन्हा दाखल करण्याची मागणी या जमावाने केली होती. रात्री उशिरा पोलिसांनी या व्यक्तीवर गुन्हा दाखल केल्याने हा जमाव शांत झाला. तर आज सकाळी दुसऱ्या बाजूच्या गटानेही पोलीस स्टेशनमध्ये गर्दी केली. त्यांनी त्यांच्या विरोधी गटातील लोकांवर गुन्हा दाखल करण्याची मागणी केली. दोन्ही गट पोलिसांवर दबाव टाकत असल्याने करमाड गावात मोठी तणावाची परिस्थिति निर्माण झाली आहे.