काँग्रेसचे माजी अध्यक्ष राहुल गांधी आणि समाजवादी पार्टीचे प्रमुख अखिलेश यादव यांची आज प्रयागराजच्या फूलपूर येथे सभा नियोजित होती. पण, त्यांच्या सभेमध्ये गोंधळ उडाल्यामुळे त्यांना भाषण न करताच तेथून काढता पाय घ्यावा लागला. सभास्थळी चेंगराचेंगरीसदृष्य परिस्थिती निर्माण झाली होती. कार्यकर्त्यांनी एकच राडा केल्याचं पहायला मिळालं. मिळालेल्या माहितीनुसार, कार्यकर्ते बॅरिकेड तोडून स्टेजच्या जवळ पोहोचले होते. त्यामुळे परिस्थिती ओळखून भाषण न करताच दोन्ही नेते तेथून निघून गेले.