आगामी स्थानिक स्वराज्य संस्थांच्या निवडणुकीच्या अनुषंगाने राज्यातील सर्वच राजकीय पक्ष जोरदार तयारीला लागल्याचं चित्र पाहायला मिळत आहे. ऐन आगामी महापालिका निवडणुकीच्या तोंडावर शिवसेना ठाकरे गटाला धक्क्यावर धक्के बसत असल्याचं दिसून येत आहे. विधानसभा निवडणुकीनंतर उद्धव ठाकरेंच्या शिवसेनेला लागलेली गळती थांबायचं नाव घेत नाही.

सांगलीमधील चंद्रहार पाटील ठाकरेंची साथ सोडणार असल्याचे समोर आले आहे. उद्या संध्याकाळी ५ वाजता ठाण्यातील नेहरू नगर परिसरात उपमुख्यमंत्री एकनाथ शिंदे, खासदार श्रीकांत शिंदेंच्या उपस्थितीत चंद्रहार पाटलांचा पक्षप्रवेश होणार आहे. यावेळी चंद्रहार पाटलांकडून जोरदार शक्तिप्रदर्शन केलं जाणार आहे. तर शिंदेंकडून चंद्रहार पाटलांना मोठी जबाबदारी दिली जाणार असल्याची माहिती आहे. चंद्रहार पाटील हे शिवसेना उद्धव ठाकरे गटाचे लोकसभा निवडणुकीतील उमेदवार होते. काँग्रेससोबत वाद घालून सांगलीची जागा खेचून आणली होती, तेच चंद्रहार पाटील ठाकरेंची साथ सोडण्याची शक्यता आहे...