लातूरपासून अवघ्या ३ किलोमीटर अंतरावर असलेल्या बोरवटी गावात आज सकाळी ६ : १३ वाजता जमिनीतून दोनदा मोठा आवाज आल्याने खळबळ उडाली आहे. या आवाजामुळे ग्रामस्थ घाबरुन घराबाहेर पडले असून संपूर्ण गाव रस्त्यावर आले. प्रशासनाकडून या आवाजाबाबत अद्याप अधिकृत माहिती देण्यात आलेली नाही.

तसेच, नागरिकांच्या मनात १९९३ मधील किल्लारी भूकंपाची आठवण जागी झाली असून पुन्हा तशीच परिस्थिती उद्भवणार का? असा प्रश्न उपस्थित केला जात आहे. मागील दोन दिवसांपासून जिल्ह्यातील मुरुड अकोला व बडूर उस्तुरी भागात सौम्य भूकंपाचे धक्के नोंदवले गेले आहेत. त्यामुळे बोरवटीतील आजचा आवाज भूकंपाशी संबंधित आहे का? हा संभ्रम अद्याप कायम आहे.नेमका हा आवाज कशामुळे झाला याची खात्री पटलेली नसली तरी गावकऱ्यांमध्ये भीतीचं वातावरण निर्माण झाले आहे.