जळगावमधून एक धक्कादायक घटना समोर आली आहे. मेहरूण येथील स्मशानभूमीत अंत्यसंस्कारानंतर महिलेच्या अस्थी चोरीस गेल्याची घटना समोर आली. मृत छबाबाई पाटील यांच्या अंत्यसंस्कारानंतर दुसऱ्या दिवशी नातेवाईक स्मशानभूमीत पोहोचले असता त्यांनी हे जाणून धक्का बसला की, छबाबाई यांच्या डोके, पाय व हाताच्या अस्थी गायब आहेत. कुटुंबियांच्या म्हणण्यानुसार, अंगावर असलेले सोने काढण्यासाठी अस्थी चोरी गेल्याचा संशय व्यक्त केला जात आहे. कुटुंबीयांनी प्रशासनावर आरोप करत सांगितले की, सोनं नको, फक्त अस्थी परत देण्यात याव्यात, अशी त्यांची मागणी आहे.