बीड जिल्ह्यात मुसळधार पावसाने कहर केला असून नद्या-नाल्यांना पूर आला आहे. कासार भागातील मणिकर्णिका नदीला पूर आल्यामुळे परिसरात भीतीचं वातावरण निर्माण झालंय. दरम्यान, हीच नदी पार करण्यासाठी बोट घेऊन जाणाऱ्या बोटचालकाला पाण्याच्या प्रचंड प्रवाहाने वाहून नेलं. ही संपूर्ण घटना कॅमेरात कैद झाली आहे. सध्या बचावपथकाकडून शोधमोहीम सुरू असून बोटचालकाचा काहीही आतापता लागत नाही. मुसळधार पावसामुळे बीड जिल्ह्यातील अनेक ठिकाणी जनजीवन विस्कळीत झालं असून प्रशासन सतर्क झालं आहे.