बिहार निवडणुकीमध्ये भाजपला घवघवीत यश मिळाल्यानंतर आता देशातील भाजपची स्थिति आणि भक्कम झाली आहे. आता या निकालानंतर भाजपमध्ये केंद्रीय पातळीवर मोठे फेरबदल होण्याची शक्यता वर्तवली जात आहे. गेल्या कित्येक महिन्यांपासून भाजपच्या राष्ट्रीय अध्यक्षपदाची नियुक्ती ही रखडलेली आहे. विद्यमान अध्यक्ष जे.पी. नड्डा मोदी सरकारमध्ये मंत्री झाले आहे. आणि त्यांची अध्यक्षपदाची वाढीव मुदतही संपलेली आहे.

बिहारमध्ये एनडीएचे नवे सरकार स्थापन झाल्यानंतर दिल्लीमध्ये भाजपच्या नव्या राष्ट्रीय अध्यक्षच्या नियुक्तीच्या हालचालीना वेग आल्याचे सांगितले जात आहे. सुत्रांनी दिलेल्या माहितीनुसार, बिहार विधानसभा निवडणुकीच्या निकालानंतर भारतीय जनता पक्षात मोठ्या संघटनात्मक फेरबदलाच्या चर्चेला गती मिळाली आहे. येत्या आठवड्यात केंद्र तसेच राज्यस्तरावर खांदेपाटल होऊ शकते.याच पार्श्वभूमीवर भाजपच्या राष्ट्रीय अध्यक्ष बदलाबाबतही हालचाली सुरु असल्याची माहिती समोर येत आहे. या बदलांचा परिणाम म्हणून राज्यात नवी प्रदेश कार्यकारिणी जाहीर होण्याची शक्यता वर्तवली जात आहे.