राज्यात विधानसभा निवडणुकीत भाजपचे सर्वाधिक उमेदवार निवडून आले आहेत. म्हणून राज्याचं मुख्यमंत्रिपद देखील भाजपलाच मिळावं अशी आक्रमक भूमिका भाजपच्या आमदारांनी घेतली आहे. त्यामुळेच आता भाजप मुख्यमंत्रिपद सोडायला तयार नसल्याचं दिसत आहे. आम्ही कितीवेळा त्याग करायचा, असा सवलाही भाजप आमदारांनी विचारला आहे. मंत्रिमंडळ वाटपातही भाजपने त्यागाची भूमिका घेतली होती. आता मात्र भाजप नमती भूमिका घेण्यास तयार नसल्याचं दिसत आहे.

राज्यात विधानसभा निवडणुकीच्या निकालानंतर विविध राजकीय घडामोडींना वेग आला आहे. सत्ता स्थापनेपासून मुख्यमंत्रिपदाच्या दावेदारीसाठी महायुतीतल्या नेत्यांमध्ये रस्सीखेच सुरू असल्याचं दिसत आहे. त्यातच आता राज्याच्या मुख्यमंत्रिपदाची जागा भाजप सोडायला तयार नाही. भाजप आमदार मुख्यमंत्रिपदासाठी आक्रमक भूमिका घेताना दिसत आहे. त्यामुळे आता मुख्यमंत्रिपदाची माळ कोणाच्या गळ्यात पडणार हे पाहाणं महत्वाचं ठरणार आहे.

Edited By Rakhi Rajput