भाजपचे प्रदेश सरचिटणीस संजय केनेकर यांनी मराठा आंदोलक मनोज जरांगे पाटील यांच्या विषयी आक्षेपार्ह वक्तव्य केल्याने मराठा समाजाचे कार्यकर्ते आता चांगलेच आक्रमक झाल्याचं पाहायला मिळालं.

संजय केनेकर यांच्या कार्यालयासमोर मराठा कार्यकर्ते आक्रमक झाले असून जोरदार घोषणाबाजी करत त्यांचा निषेध व्यक्त करताना दिसले. छत्रपती संभाजीनगर शहरातील क्रांती चौक परिसरात असणाऱ्या संजय किनेकर यांच्या कार्यालयासमोर समोर मराठा संघटनेच्या कार्यकर्त्यांनी जोरदार घोषणाबाजी सुरु केलीय. मनोज जरंगे पाटील हे खरंच मराठा आहे का त्यांचा DNA तपासावा असं वक्तव्य संजय केणेकर यांनी केलं होतं. त्यामुळे मराठा समाजाच्या भावना दुखावल्या गेल्याने संतप्त मराठा कार्यकर्त्यांनी आज संभाजीनगर शहरातील केनेकर यांच्या कार्यालयाबाहेर जोरदार घोषणाबाजी केलेली दिसली.