भारतीय जनता पक्षाचा राजीनामा देऊन माजी नगरसेविका संगीता गायकवाड यांनी त्यांच्या पतीसह शेकडो कार्यकर्त्यासह शिवसेना ठाकरे गटात प्रवेश केला आहे.

यावेळी खासदार संजय राऊत, उपनेते दत्ता गायकवाड, जिल्हाप्रमुख डी.जी. सूर्यवंशी हे देखील उपस्थित होते. पक्षप्रवेशावेळी मातोश्रीच्या बाहेर शिवसैनिकांनी मोठी गर्दी केली होती. संगीता गायकवाड नाशिकमधील प्रभाग क्रमांक 20च्यामाजी नगरसेविका असून त्यांच्या पक्षप्रवेशामुळे भाजपला नाशिकमध्ये मोठे खिंडार पडले आहे.

आगामी महापालिका निवडणुकीमध्ये संगीता गायकवाड यांचे पती हेमंत गायकवाड हे निवडणूक लढवणार आहे. भाजपचे जेष्ठ नेते आणि माजी नगरसेवक संभाजी मोरूस्कर यांच्याविरुद्ध ही निवडणूक होणार आहे. पक्ष प्रवेश होताच शिवसेना ठाकरे गटाचे पक्षप्रमुख उद्धव ठाकरे यांनी जोरदार भाषण करत सरकारवर जोरदार टीकास्त्र सोडले.