मुक्ताईनगर येथील मतदान केंद्रावर केंद्रीय राज्यमंत्री रक्षा खडसे आणि पोलिस यांच्यात शाब्दिक वाद निर्माण झाला. भाजपच्या उमेदवाराला मतदान केंद्रावर पोलिसांनी अडवल्यामुळे रक्षाखडसे संतप्त झाल्या. या घटनेमुळे जुन्या शहरात गोंधळाचे वातावरण निर्माण झाले. स्थानिक नागरिक आणि कार्यकर्ते घटनास्थळी जमा झाले, तर पोलिसांनी परिस्थिती नियंत्रणात आणण्यासाठी तातडीने पावले उचलली. सध्या घटनास्थळी पोलीस अधिकाऱ्यांनी चौकशी सुरू केली आहे आणि केंद्रावर पुन्हा सामान्य मतदान सुरू असल्याचे कळते.