मुंबईतील शाळकरी विद्यार्थ्यांसाठी आनंदाची बातमी आहे. मुंबई महानगर पालिकेच्या अर्थसंकल्पामध्ये शाळकरी विद्यार्थ्यांसाठी मोठी घोषणा करण्यात आली. इयत्ता पहिली ते दहावीच्या विद्यार्थ्यांना बेस्ट बसने मोफत प्रवास करता येणार आहे. महानगर पालिका शाळेच्या गणवेशधारी विद्यार्थ्यांना शाळेत येण्या- जाण्यासाठी आता 'बेस्ट' बसचा मोफत प्रवास करता येणार आहे. ज्या भागात नियमित बस सेवा नाही, त्याठिकाणी पालिकेतर्फे विशेष बसेसची सोय केली जाईल. या योजनेसाठी मुंबई महानगर पालिकेने अर्थसंकल्पात तब्बल ८ कोटी ७० लाखांची तरतूद केली आहे. त्यामुळे विद्यार्थी आणि पालिकांमध्ये आनंदाचे वातावरण आहे.