Shruti Vilas Kadam
८ ते १० अळूची मोठी पाने, २ कप बेसन, १ चमचा लाल तिखट, १/२ चमचा हळद, १ चमचा धणे-जिरे पूड, चिंचेचा कोळ, गूळ, मीठ आणि पाणी घ्या.
एका भांड्यात बेसन घेऊन त्यात तिखट, हळद, धणे-जिरे पूड, मीठ, चिंचेचा कोळ आणि किसलेला गूळ घाला. थोडे थोडे पाणी घालून घट्ट पेस्ट तयार करा.
अळूची पाने नीट धुऊन कोरडी करा. पानांचे जाड देठ आणि शिरा हलक्या हाताने काढून टाका.
एक पान पसरवून त्यावर बेसनाचे मिश्रण लावा. त्यावर दुसरे पान ठेवून पुन्हा मिश्रण लावा. अशा प्रकारे ३ ते ४ पानांचे थर तयार करा.
तयार पानांचा घट्ट रोल करा. हा रोल स्टीमरमध्ये किंवा कुकरमध्ये (शिट्टी न लावता) 20 ते 25 मिनिटे वाफवून घ्या.
वाफवलेला रोल थंड झाल्यावर गोल काप करा. कढईत तेल गरम करून त्याला तळून घ्या.
तयार अळूवडीवर कोथिंबीर आणि किसलेले खोबरे भुरभुरवा. चहा किंवा जेवणासोबत गरमागरम सर्व्ह करा.