भिमाशंकर अभयारण्यात पर्यटन स्थळांना बंदी घालण्यात आली आहे. ही बंदी ३० सप्टेंबर पर्यंत असून इतर पर्यटन स्थळांवर ३० जुलै पर्यंत ५ पेक्षा अधिक व्यक्तिंना एकत्र येता येणार नाही. लोणावळ्यातील घटनेनंतर भिमाशंकर अभयारण्यातील प्रशासन सतर्क झाल्याचे पाहायला मिळत आहे. भिमाशंकर देवदर्शनानंतर भाविक वन्यजीव पर्यटन आणि धबधब्यांवर जात असतात यावेळी काही दुर्घटना घडू नये म्हणून भिमाशंकर अभयारण्यातील प्रशासनाकडून ठोस पावलं घेतली जात आहेत. कोंढवळ धबधबा, चोंडीचा धबधबा, खोपीवली क्षेत्र, पदरवाडी न्हाणीचा धबधबा, नारीवाली सुभेदार धबधबा, घोंगळ घाट नाला खांडस ते भिमाशंकर मार्ग, पदरवाडी शिडी घाट ते काठेवाडी या ठिकाणी पर्यटनास बंदी असणार आहे. पर्यटन बंदीचा फटका येथील स्थानिक व्यावसायिकांना बसणार आहे.