रायगड जिल्ह्याचा पालकमंत्रीपदावरून मंत्री अदिती तटकरे आणि भरत गोगावले यांच्यामध्ये मोठा संघर्ष सुरू आहे. नाशिक आणि रायगड जिल्ह्याच्या पालकमंत्रीपदाचा तिढा अद्यापही सुटलेला नाहीये, यामुळे महायुतीमध्ये देखील वाद सुरू असताना काल 15 ऑगस्टला झेंडावंदनचा मान हा अदिती तटकरे यांना मिळाल्यानंतर भरत गोगावले हे नाराज असून आज त्यांनी राज्य मंत्रीमंडळाच्या बैठकीला देखील गैरहजेरी लावली आणि थेट दिल्ली गाठली.

भरत गोंगावले यावर संवाद साधत म्हणाले, दिल्ली दौरा हा पूर्वनियोजितच होता. त्याप्रमाणे मुख्यमंत्र्यांनी पत्र दिले होते आणि काल संध्याकाळी झेंडावंदन कोण करेल याची यादी जाहीर झाली. वरून जो आदेश आला आहे त्याचे आम्ही पालन करू. आज ना उद्या आम्हाला पालकमंत्रीद मिळेल. यंदा त्यांना हा मान दिला आहे पुढच्या वेळी आम्हाला मिळेल असा विश्वास मंत्री भरत गोगावले यांनी व्यक्त केला.