बारामती शहर लवकरच देशभक्तीच्या उत्साहाने उजळून निघणार आहे. शहरात तब्बल ३० मीटर उंचीचा भव्य आणि आकर्षक राष्ट्रध्वज उभारण्यात येत असून, हे काम अंतिम टप्प्यात आहे. शहराच्या मध्यवर्ती आणि प्रमुख ठिकाणी उभारण्यात येणारा हा ध्वज बारामतीच्या वैभवात आणखी भर घालणार आहे. या राष्ट्रध्वजाचे लोकार्पण सोहळा लवकरच मोठ्या उत्साहात पार पडणार असून, त्यासाठी उपमुख्यमंत्री अजित पवार आणि राज्यसभेच्या खासदार सुनेत्रा पवार यांना विशेष आमंत्रित करण्यात आले आहे.

ध्वज उभारणीच्या ठिकाणी आवश्यक पायाभूत सुविधा, उंच पोल, लाइटिंग आणि सजावटीची कामे वेगाने सुरू आहेत. स्थानिक नागरिक, विविध सामाजिक संस्था आणि विद्यार्थ्यांमध्ये या उपक्रमाबाबत मोठा उत्साह पाहायला मिळत आहे. राष्ट्रध्वजाच्या लोकार्पणाच्या दिवशी देशभक्तीपर गीते, सांस्कृतिक कार्यक्रम आणि विशेष पाहुण्यांच्या भाषणांनी वातावरण भारावून जाण्याची अपेक्षा आहे. हा ३० मीटर उंचीचा ध्वज बारामती शहराचा नवा अभिमान ठरणार आहे आणि नागरिकांना दररोज देशभक्तीची नवी प्रेरणा देणार आहे.