गॅस सिलिंडरच्या टंचाईच्या पार्श्वभूमीवर बदलापूर शहारातील एका तरुणाचा व्हिडिओ व्हायरल होत आहे. बदलापूरमध्ये राहणाऱ्या तरुणाला बऱ्याच दिवसानंतर गॅस सिलिंडर मिळाला. त्यानंतर त्याचा आनंद चेहऱ्यावर दिसला. त्या तरुणाने केवळ सिलिंडरला नमस्कार केला नाही, तर भावुक होऊन चुंबन देखील घेतलं. हा क्षण मोबाईल कॅमेऱ्यात कैद करण्यात आला आहे. त्या तरुणाचा व्हिडिओ सोशल मीडियावर व्हायरल होत आहे. अमेरिका-इराण युद्धामुळे मोठ्या प्रमाणात गॅस सिलिंडरचा तुटवडा निर्माण झाल्याचे चित्र आहे. सिलिंडर मिळवण्यासाठी २० ते २५ दिवसांची प्रतीक्षा करावी लागत आहे. अनेकांना भल्या मोठ्या रांगा लावाव्या लागत आहे. त्यामुळे अशा परिस्थितीत एका सिलिंडरची किंमत काय असते, हे या तरुणाच्या कृतीतून दिसून येतंय.