मंत्री राधाकृष्ण विखे पाटील आणि प्रहार संघटनेचे बच्चू कडू यांच्यातील वाद आता चांगलाच पेटला आहे. ‘तुमची गाडी जर फोडली ना साहेब, मी पण तीन लाख रुपये जाहीर केले आहेत. अशी थेट धमकी एका व्यक्तीने बच्चू कडूंना फोनवर दिली आहे. शेतकऱ्यांच्या कर्जमाफीवरून विखे पाटलांनी केलेल्या वक्तव्यानंतर, बच्चू कडूंनी विखे पाटलांची गाडी फोडणाऱ्यास १ लाखाचे बक्षीस जाहीर केले होते. याला प्रत्युत्तर म्हणून, विखे पाटलांच्या एका समर्थकाने, ज्याने स्वतःला प्रतिक कदम पाटील असे सांगितले, बच्चू कडूंना फोन करून त्यांच्या गाडीवर हल्ला करणाऱ्यास तीन लाखांचे बक्षीस देण्याची घोषणा केली. यानंतर दोघांमध्ये शाब्दिक चकमक उडाली, ज्याची ऑडिओ क्लिप व्हायरल झाली आहे.