औरंगजेबाच्या कबरीवरून सुरू झालेला वाद अद्यापही शांत झालेला नाही. भाजपसह अनेक संघटनांनी ही कबर हटवावी अशी मागणी कायम ठेवली आहे. याच वादाच्या पार्श्वभूमीवर नागपूरमध्ये दोन गटांमध्ये मोठा वाद होऊन जाळपोळ आणि दंगल उफाळली.

मुघल बादशाह औरंगजेबाची कबर खुलताबाद, छत्रपती संभाजीनगर येथे आहे. मात्र ही कबर पुरातत्त्व विभागाच्या संरक्षित राष्ट्रीय स्मारकांच्या यादीत समाविष्ट असल्याने तिला संरक्षण देण्यात आले आहे.

दरम्यान शिवसेनेचे माजी खासदार राहुल शेवाळे यांनी ही कबर त्वरित हटवावी, अशी मागणी केली आहे. त्यांनी आज नवी दिल्लीत केंद्रीय सांस्कृतिक मंत्री गजेंद्र शेखावत यांची भेट घेऊन यासंदर्भात निवेदन दिले.