आसामच्या नलबाडी जिल्ह्यातील एक अजब घटना सध्या सोशल मीडियावर चर्चेचा विषय ठरली आहे. माणिक अली नावाच्या इसमाने आपल्या घटस्फोटाच्या आनंदात चक्क दुधाने अंघोळ (दुग्धाभिषेक) करत स्वतःचा व्हिडिओ सोशल मीडियावर शेअर केलाय. व्हिडिओत माणिक "मी आता आझाद आहे" असं जोरात म्हणताना दिसतो. त्याच्या म्हणण्यानुसार, त्याच्या पत्नीचे विवाहबाह्य संबंध होते, ती दोनदा पळूनही गेली होती, मात्र कुटुंबाची बदनामी होऊ नये म्हणून तो शांत राहिला. अखेर घटस्फोट घेऊन त्याने स्वतःच्या मुक्ततेचा आनंद अशा अनोख्या पद्धतीने साजरा केला.