बीड जिल्ह्यातील आष्टी तालुक्यात एक धक्कादायक घटना घडली आहे. कामावरून घरी जाणाऱ्या तरुणाच्या खिशात असलेल्या मोबाईलचा अचानक स्फोट झाला. या स्फोटामुळे रोहित खोडके या तरुणाच्या मांडीला आणि हाताला गंभीर दुखापत झाली. ही घटना सायंकाळच्या सुमारास घडली.

मोबाईलचा स्फोट कशामुळे होतो?

1. उच्च तापमान: उन्हाळ्यात बॅटरी जास्त गरम होऊन स्फोट होण्याची शक्यता वाढते.

2. अत्याधिक चार्जिंग: दीर्घकाळ चार्जिंगमुळे बॅटरी गरम होते आणि खराब होऊ शकते.

3. खराब किंवा बनावट चार्जर वापरणे: स्वस्त व निकृष्ट चार्जरमुळे बॅटरीवर विपरीत परिणाम होतो.

4. पाणी किंवा ओलावा: मोबाईलच्या अंतर्गत भागात पाणी गेल्यास बॅटरीमध्ये बिघाड होऊ शकतो.

5. फोन पडल्याने नुकसान: मोबाईल वारंवार खाली पडल्यास बॅटरीवर ताण येतो आणि स्फोट होण्याची शक्यता वाढते.

सावधगिरी कशी बाळगावी?

मोबाईल गरम झाल्यास लगेच वापरणे थांबवा.

अत्यधिक चार्जिंग टाळा, शक्यतो 80-90% चार्ज झाल्यावर प्लग काढा.

नेहमी ओरिजिनल चार्जर आणि बॅटरी वापरा.

उन्हात किंवा उष्ण ठिकाणी मोबाईल ठेऊ नका.

झोपताना मोबाईल उशाशी ठेवण्याचे टाळा.

फोनमध्ये काही समस्या जाणवल्यास त्वरित तज्ञ व्यक्तीकडून तपासणी करून घ्या.

स्मार्टफोन हा आपल्या जीवनाचा अविभाज्य भाग बनला आहे, पण त्याचा सुरक्षित वापर करणेही तितकेच गरजेचे आहे. अन्यथा, एका चुकीमुळे तुमच्या जीवाला धोका निर्माण होऊ शकतो. सुरक्षित राहा, सावध रहा!