राज्यभर खळबळ उडवून देणाऱ्या भोंदुबाबा अशोक खरात लैंगिक शोषण प्रकरणात आता पोलिसांनी थेट पीडित महिलांना सोबत घेऊन शहरातील खरातच्या कार्यालयाची झाडाझडती घेतली. क्राईम ब्रांच पथकाने आज शहरात असलेल्या कॅनडा कॉर्नर परिसरातील ओकस कार्यालयात जाऊन तपास केला. याच कार्यालयातून भोंदू अशोक खरात हा जमीनिंचे व्यवहार करायचा. तसेच याच कार्यालयात अनेक महिलांचे शोषण झाल्याचा पोलिसांना संशय असल्याने या ठिकाणाहून मोठे पुरावे हाती लागण्याची शक्यता वर्तवली जात आहे. काल रविवारी भोंदू बाबावर तिसरा लैंगिक शोषणाचा गुन्हा दाखल झाल्याने या प्रकरणाची व्याप्ती दिवसेंदिवस वाढत चालली आहे. महिला गरोदर असताना वारंवार तिच्यावर अत्याचार केल्याचा गुन्हा काल नाशिकच्या सरकारवाडा पोलीस स्थानकात दाखल झाल्याने आणखी काही महिला देखील पुढे येणार असल्याचे सांगितले जात आहे.