मनोज जरांगे यांच्या हत्येचा कट आखल्याचं प्रकरण ताजं असतानाच, आता सामाजिक कार्यकर्त्या अंजली दमानिया यांना जीवे मारण्याची धमकी आली आहे. अंजली दमानिया या अमेरिकेत होत्या. त्यावेळी त्यांच्या जीवाला धोका आहे, अशी माहिती त्यांना वरिष्ठ अधिकाऱ्यांकडून मिळाली होती. ज्या दिवशी जरांगे पाटील यांना धमकी आली होती, मला वाटतंय त्याच दिवशी त्यांचा फोन आला होता. माझा गेम करायचा आहे, अशी गुप्त माहिती त्यांना मिळाली होती. धमकी देणारे लोक आहेत ते सेकंड रँकचे आहेत, काळजी घ्यावी. तुम्ही गाड्या बदलून बदलून वापरा. तसेच वाहनामध्ये असताना तुम्ही फोन बंद करा, असे त्यांनी सांगितले.

एका वरिष्ठ अधिकाऱ्याचा फोन आला होता. माझा गेम करायचा आहे, असे इनपूट्स त्यांना मिळाले होते. यांचं अति होत चाललं आहे. यांना धडा शिकवायचा आहे. यांचा गेम करायचा आहे, अशी त्यांची भाषा होती. ही माहिती मला अधिकाऱ्यांकडून देण्यात आली असून, सावध राहण्यास सांगितले. याबाबत मी मुख्यमंत्र्यांना सांगितलं आहे. त्यांनी मला सुरक्षा व्यवस्था घेण्यास सांगितले. पण मला सुरक्षा व्यवस्था नको. मी सुरक्षा घेणार नाही, असं अंजली दमानिया म्हणाल्या.