ठाकरे गटाचे खासदार संजय राऊत यांनी महायुतीमधील अंतर्गत वादावर बोट ठेवत खळबळजनक दावा केला आहे. अमित शहा यांना मुख्यमंत्री देवेंद्र फडणवीस यांना चेकमेट करायचं आहे, म्हणूनच ते उपमुख्यमंत्री एकनाथ शिंदे यांना ताकद देत आहेत असा आरोप राऊत यांनी केला. फडणवीस आणि भाजप प्रदेशाध्यक्ष रवींद्र चव्हाण यांचा महायुतीला विरोध असल्याचंही त्यांनी म्हटलं.

शिंदेंना दिल्लीत ताकद दिली जातेय जेणेकरून फडणवीसांना दिल्लीत येण्यापासून रोखता येईल असं राऊत म्हणाले. पुढे ते म्हणाले, महायुती म्हणजे कोणती महायुती आहे. हे आता मला कळलं. मिंदेंचा पक्ष हा अमित शाहंचा पक्ष आहे. महाराष्ट्रमध्ये देवेंद्र फडणवीस, रवींद्र चव्हाण हें महायुतीच्या विरोधात आहे. एकनाथ शिंदे अमित शाहंकडे आपलं रडगाणं सांगायला गेले होते. अमित शाहंना देवेंद्र फडणवीसांना चेकमेट करायचं आहे. त्यांना फडणवीस यांना दिल्लीला येऊन द्यायचं नाहीये. दोन ठाकरे एकत्र आले याची भीती आहे. असे संजय राऊत म्हणाले.