विश्वरत्न डॉ. बाबासाहेब आंबेडकर यांच्या महापरिनिर्वाण दिनानिमित्त आज देशभरातून लाखों आंबेडकर अनुयायी हे मुंबईमध्ये दाखल झाले आहेत. बाबासाहेबांना आज महापरिनिर्वाण दिनानिमित्त अभिवादन करण्यासाठी अनेक भीम अनुयायी दादर येथील चैत्यभूमी येथे दाखल होत आहेत. या दरम्यान मुंबईच्या चुनाभट्टी सायन परिसरात आंबेडकर अनुयायांनी रस्ता रोखला. गेल्या दोन तासांपासून या ठिकाणी रास्ता रोको केला. रस्ता रोखून धरल्याने दादरकडे जाणाऱ्या रस्त्यावर मोठी वाहतूक कोंडी निर्माण झाली आहे.

नेमके काय घडले?

चुनाभट्टीजवळ रिक्षातून आलेल्या आंबेडकर अनुयायांना चैत्यभूमीच्या दिशेला जायचे आहे. पण पोलिसांनी त्यांची रिक्षा अडवली. पोलिस रिक्षाला पुढे जाऊ देत नाहीत म्हणून आंबेडकर अनुयायांनी या ठिकाणी रस्ता रोको आंदोलन केले. यामुळे या ठिकाणी गेल्या दोन तासांपासून मोठ्या प्रमाणात वाहतूक कोंडी निर्माण झाली होती. पोलिस आणि भीम अनुयायांमध्ये शाब्दिक बाचाबाची देखील झाली.