बॉलिवूडमधील AI आणि डीपफेकच्या वाढत्या गैरवापराविरोधात अभिनेता अक्षय कुमार आणि हृतिक रोशननं कायदेशीर पावले उचलली आहेत. आपल्या व्यक्तिमत्व हक्कांचं संरक्षण करण्यासाठी अक्षय कुमारनं मुंबई हायकोर्टात तर हृतिक रोशननं दिल्ली हायकोर्टात खटला दाखल केला आहे. अज्ञात व्यक्ती आणि AI द्वारे प्रतिमा, चेहरा, आवाज, अभिनय शैलीचा वापर करुन बनावट जाहिराती आणि डीपफेक व्हिडिओ तयार केले जात असल्याचा दावा त्यांनी केला आहे. या कृतींमुळे त्यांच्या प्रतिष्ठेला आणि जनतेच्या विश्वासाला धक्का पोहोचत असल्याचं त्यांनी कोर्टाच्या निदर्शनास आणलं आहे. यापूर्वी पार्श्वगायिका आशा भोसले आणि अभिनेता सुनील शेट्टी यांच्या व्यक्तिमत्व हक्कांना कोर्टाने अंतरिम संरक्षण दिलं आहे.