अकोला : अकोल्यातील भाजपच्या प्रचारासाठी येत असलेल्या केंद्रीय गृहमंत्री अमित शहांच्या सभेवर पुन्हा पावसाचं सावट आलं. वातावरणातील बदलामुळे अचानक पावसाला सुरूवात झाली. अकोल्यातील क्रिकेट क्लब मैदानावर अमित शहा यांची सभा आयोजित करण्यात आलीय. अमित शहांची थोड्या वेळात सभा सुरू होणार होती. मात्र त्या आधी अचानक आलेल्या पावसाने उपस्थितांची तारांबळ उडाली. सभास्थळी चिखली झाला होता. विशेष म्हणजे अकोल्यात पावसासह वाऱ्यामुळे सभास्थळी असलेला मंडप काही भागात उडाल्याचं पाहायला मिळालं. अकोल्यात भाजप उमेदवाराच्या प्रचारासाठी गृहमंत्री अमित शाह यांच्या सभेचं आयोजन करण्यात आलं होतं.