राज्याचे उपमुख्यमंत्री अजित पवार यांचा विमान अपघातामध्ये मृ्त्यू झाला. बारामतीमध्ये बुधवारी सकाळी ही घटना घडली. या अपघातामध्ये अजित पवार यांच्यासह ५ जणांचा मृत्यू झाला. अजित पवार यांच्या निधनामुळे सर्वांना मोठा धक्का बसला. अजित पवार यांच्या पार्थिवावर आज बारामतीतील काटेवाडी या त्यांच्या मुळगावी अंत्यसंस्कार करण्यात येणार आहेत. त्यांचे पार्थिव काटेवाडी या घरी आणण्यात आले होते. त्याच ठिकाणी त्यांना शासकीय मानवंदना देण्यात आली. आता त्यांचे पार्थिव बारामतीकडे रवाना झाले आहे. बारामतीमधील विद्या प्रतिष्ठानच्या प्रांगणात त्यांच्या पार्थिवावर अंत्यसंस्कार करण्यात येणार आहेत. याठिकाणी अंत्यसंस्काराची पूर्ण तयारी करण्यात आली आहे. अजित पवारांचे अखेरचे दर्शन घेण्यासाठी राज्यभरातील कार्यकर्त्यांनी मोठी गर्दी केली आहे. तसंच, सर्व राजकीय पक्षांचे नेते मंडळी देखील बारामतीत दाखल झाले आहेत.